Академија Пандев го промовираше и десеттото засилување, потпишаа со турски фудбалер
Екипата на Академија Пандев има исклучително активен преоден рок, струмичкиот клуб досега донесе десет нови фудбалери оваа сезона, последен кој стави потпис е Турчинот, Хакан Акгул.
Академија Пандев има лоша есенска полусезона, па зимава речиси и да направи комплетен ремонт на тимот. Најново засилување за пандевци е Хакан Акгул.
„19-годишниот талентиран играч за врска Хакан Акгул потпиша две и пол годишен договор со Академија Пандев. Турскиот интернационалец доаѓа од екипата на Фатих Карагумрук, каде ја има поминато и целата младинска школа. Ова е прво интернационално искуство за Хакан, а ние му посакуваме добредојде во нашето семејство!“, стои во соопштението на Академија Пандев.
