ПРВА ПРЕСУДА ЗА ВОЕНИ ЗЛОСТОРСТВА НА ОВК: Саљих Мустафа осуден на 26 години затвор

Саљих Мустафа , еден од командантите на терористичките единици на ОВК, денеска во Специјалниот суд на Косово во Хаг беше осуден на 26 години единствена казна за воено злосторство самоволно лишување од слобода, тортура и убиство.

Мустафа беше осуден за воени злосторства во април 1999 година против шестмина албански цивили затворени во камп на изолиран имот во селото Злаш.

Припадниците на единицата што ја командуваше, како и самиот тој, секојдневно ги мачеше тие луѓе, ги тепаа со часови, им ја палеа кожата, им ги кршеа коските… Тој е одговорен и како командант на логорот, но и за оние директно вклучени во злоупотребите. Тогаш еден Албанец, за кој мислеле дека не ја поддржува ОВК, бил жестоко мачен со денови и на крајот бил убиен и закопан во плиток гроб.

Тие злосторства се докажани со исказите на жртвите, други сведоци и документација.

Мустафа е во притвор во Шевенинген од 24 септември 2020 година, кога беше уапсен.