Јапонија ќе се здобие со способност за „контра удар“

Јапонија во петокот усвои ажурирана верзија на стратегијата за национална безбедност, дозволувајќи им на нејзините вооружени сили да се здобијат со, како што ја нарече, „способност за контра удар“.

Ажурираните три клучни безбедносни и одбранбени документи им овозможуваат на вооружените сили на Јапонија „да стекнат способност да напаѓаат цели на територијата на непријателот за да ги одвратат нападите, наречени „способност за контра удар“, објави Kyodo News.

Тој, исто така, ја овластува владата да „одвои околу 43 трилиони јени (приближно 315 милијарди долари) за буџетите за одбрана во текот на пет години од фискалната 2023 година.

Јапонија, исто така, „ќе ја задржи безбедносната политика исклучиво ориентирана кон одбраната“, покрај тоа што ќе размисли за „прегледување на строгите упатства за извоз на одбранбена опрема“.

Новата стратегија за национална безбедност ја гледа Кина како „најголем стратешки предизвик“ и ја нарекува Северна Кореја „потешка, понеизбежна закана од порано“, а Русија „сериозна загриженост за безбедноста“.