ЈАДЕМЕ НАЈСКАПО МЕСО ВО РЕГИОНОТ, СО ПЛАТАТА МОЖЕМЕ ДА КУПИМЕ ДВОЈНО ПОМАЛКУ МЛЕКО ВО СПОРЕДБА СО СЛОВЕНЦИТЕ

„Пари“ анализа: Колку вреди нашата просечна плата во однос на земјите од регионот?

И покрај тоа што просечната плата во Македонија достигна 34.354 денари во декември, таа и понатаму останува најниска во однос на поранешните југословенски републики. Но, вистинската вредност на платите лежи во нивната куповна моќ.

Обично, се вели дека платите се пониски, но и цените во Македонија се пониски. Порталот „Пари“ провери колку има вистина во тоа. Зедовме предвид 5 основни прехранбени производи и ги побаравме нивните цени во онлајн продавниците на земјите во регионот. Потоа, споредивме за колку пари може да се купи секоја од тие пет намирници со просечната плата од секоја земја. Податоците за Македонија се разочарувачки.

ВО НИШТО НЕ СМЕ НАЈЕВТИНИ

Под лупа ги ставивме цените на лебот, јунешкото месо, млекото, сирењето, и сончогледовото масло за јадење. Споредбата на цените покажува дека во ништо не сме најевтини, но затоа, заедно со Словенија, имаме најскапо јунешко месо во однос на сите анализирани земји (за споредбата зедовме јунешка плешка). Убедливо најевтино јунешко месо имаат во Црна Гора.

Што се однесува до лебот, во моментов, додека ги правиме споредбите, еден килограм кај нас е поевтин отколку во другите земји, освен во однос на Србија, каде Владата направи ограничување на цената на лебот на 57 динари за 500 грама леб со точно одредени состојки во лебот, и таа цена ќе важи до 30 јуни 2023 година. Но, како што најави министерот за економија, Крешник Бектеши, во вторник на седница на Владата ќе се донесе одлука за замрзнување на цената на лебот на 33 денари, со важност од 1 март.

Цените покажуваат дека најевтино млеко може да се најде во хрватските онлајн маркети. Македонија има слични цени на млекото со Босна и Херцеговина и со Србија, околу 1,2 евра за литар, со масленост 3,2 проценти.

И цената на сирењето е најниска во Хрватска, а највисока е во Словенија, каде и цената на млекото е најскапа. Цената на кравјо сирење е иста во Македонија, во Србија и во Босна и Херцеговина. Споредбата на сличен тип на сирење покажа дека кај сите три земји еден килограм чини 6,5 евра.

Во Црна Гора има и најевтино масло за јадење, од само 1,1 евро, а кај нас и во Босна и Херцеговина чини 1,9 евра.

Цени на производи во регионот

ЗЕМЈАЛЕБ БЕЛ 1 КГЈУНЕШКА ПЛЕШКА 1КГМЛЕКО СО МАСЛЕНОСТ 3,2 % ‒ 1ЛКРАВЈО СИРЕЊЕ 1 КГСОНЧОГЛЕДОВО МАСЛО 1 ЛМакедонија1,5 евра12,0 евра1,25 евра6,5 евра1,9 евраСловенија2,0 евра12,0 евра1,59 евра9,4 евра2,8 евраСрбија0,97 евра10,25 евра1,28 евра6,5 евра1,8 евраЦрна Гора2,0 евра8,0 евра1,60 евра6,0 евра1,1 евраХрватска2,0 евра9,95 евра1,06 евра4,8 евра1,7 евраБосна и Херцеговина2,0 евра11,0 евра1,20 евра6,5 евра1,9 евра

Извор: онлајн продавници

НАЈНИСКА ПЛАТА МЕЃУ ЕКС-ЈУ ЗЕМЈИТЕ

Сите земји ги објавија податоците за просечните плати во декември 2022 година. Според официјалните статистички податоци на одделните национални економии, Македонија и понатаму има најнизок просек во регионот, односно просекот се движи од нашите 558 евра до просекот во Словенија од 1.419 евра.

Просечни плати во регионот

ЗЕМЈАПРОСЕЧНА НЕТО-ПЛАТАМакедонија  558 евраСловенија1.419 евраСрбија  716 евраЦрна Гора727 евраХрватска1.045 евраБосна и Херцеговина  608 евра

Извор: Официјални статистички податоците на националните агенции за статистика

ОД СИТЕ АНАЛИЗИРАНИ ДРЖАВИ, НИЕ НАЈМАЛКУ МОЖЕМЕ ДА КУПИМЕ МЕСО, СИРЕЊЕ И МАСЛО

За да видиме колку навистина вреди една просечна плата најдобро е да ја претвориме во основните прехранбени производи.

Податоците што ги добивме покажуваат дека со една просечна плата од сите анализирани земји, ние најмалку можеме да купиме месо, сирење и сончогледово масло за јадење.

Колку кг/л може да се купи со една плата?

ЗЕМЈАБЕЛ ЛЕБЈУНЕШКА ПЛЕШКАМЛЕКО 3,2 %КРАВЈО СИРЕЊЕСОНЧОГЛЕДОВО МАСЛОМакедонија372 кг 45,5 кг446,4 л85,8 кг293,7 лСловенија709,5 кг118,2 кг892,4 л151 кг506,8 лСрбија738,0 кг  69,8 кг559,4 л110 кг397,8 лЦрна Гора363,5 кг90,8 кг454,4 л121 кг660,9 лХрватска522,5 кг105,0 кг985,8 л217,7 кг614,7 лБосна и Херцеговина354,0 кг 55,3 кг506,6 л93,5 кг320,0 л

Целата анализа е достапна на следниот линк: https://pari.com.mk/infografici-jademe-nasjkapo-meso-vo-regionot-so-platata-mozhe-da-kupime-dvojno-pomalku-mleko-od-slovencite/