Совети што да правите понатаму: Пет знаци дека дошло до ОШТЕТУВАЊЕ НА СЛУХОТ заради користење на слушалки

Ако сте забележале дека сте станале чувствителни на одредени звуци, или:

1. Не слушате високи тонови,

2. Звуците изгледаат придушено,

3. Имате потешкотии да разберете разговор кога околу вас има врева,

4. Барате некој да го повтори тоа што ви го кажал, зборувате погласно

5. Ѕвонење во ушите – мора да се случило оштетување на слухот.

Овие проблеми не ги засегаат само постарите лица. Честото и продолжено слушање гласна музика, а откриено е дека 80 проценти од младите на возраст од 13 до 18 години (како и голем број постари луѓе) го прават тоа најмалку три часа дневно, влијае на аудитивниот нерв и дел од внатрешното уво.

Негативните ефекти се поизразени доколку слушате музика преку слушалки и постојано ги користите додека зборувате на мобилниот телефон.

Прекумерната изложеност на гласен звук од слушалките е втората најчеста причина за привремено или трајно оштетување на слухот (по старост), а експертите предупредуваат дека дури и умерениот шум, а не само гласниот шум, кој доаѓа од слушалките (или околината) долго време е многу штетен.

Ако сè уште не сакате или не можете да се откажете од слушалките, следете ги овие совети од отоларинголог:

– Ограничете го времето на употреба.

– Намалете го нивото на бучава на слушалките под препорачаното ниво.

– Користете слушалки кои го блокираат надворешниот шум, ова ви овозможува да слушате музика потивко.

– Земете слушалки кои не ви одат директно во ушите, туку над нив.

– Избегнувајте да слушате гласна музика дури и кога не носите слушалки.

– Редовно проверувајте го слухот и ако почувствувате некој симптом на инфекција на увото, како болка, или ако се појави исцедок, веднаш консултирајте се со лекар.