Рецепт за ролати од тиквичкa потпечени во сос од домати: Се топат во уста

Кога ќе започне работната недела, последно нешто што нѝ паѓа напамет е да поминеме подолго од половина час во кујната. Затоа прибегнуваме кон рецепти кои изискуваат минимално време на подготовка.

Тиквичката е идеален зеленчук бидејќи лесно се комбинира со останатите намирници и се подготвува на безброј начини.
Ние денеска ви претставуваме рецепт за ролати од тиквичка запечени во сос од домати, а најдобро од сè е што многу брзо се подготвуваат, а вкусот е неверојатен.

Потребни состојки:

3 тиквички со средна големина1 пакување крем-сирење500 гр. урдамалку спанаќ500 мл. сос од доматизачински билкисол

Начин на подготовка:
Тиквичките измијте ги, отстранете им ги краевите и исечкајте ги на тенки ленти.
Посолете ги и наредете по 4 до 5 ленти една врз друга, така што ќе се преклопуваат. Премачкајте ги со крем-сирење и одозгора додајте ја урдата, неколку листови спанаќ и зачински билки по желба. Потоа замотајте ги во мал ролат.
Постапката повторувајте ја сè додека имате тиквички и крем-сирење. Во подлабок сад за печење ставете го сосот од домати и во него спуштете ги ролните.
Печете во загреана рерна на 180 степени, 20 минути. Можете да ги јадете самостојно или како прилог со некое месо.