Менталното здравје кај младите е нарушено, разговор на Миа Костова со психологот Ивана Хаџиванова

Миа Костова на својот Јутјуб канал објави интервју со психолог Ивана Хаџиванова, воедно и основач на „Неокортекс“ центар.

Интервјуто е на тема која ги засега апсолутно сите родители на деца кои се, или влегуваат во фазата на тинејџери, адолесценти, кои растат во поинакво време на социјални мрежи, лесна достапност до психоактивни супстанци, тренд на изолациіа, булинг, себе-повредување анксиозност и депресија.

Станува збор за разговор кој е важен за секој родител кој се справува или допрва ќе го очекува, можеби најтешкиот период од созревањето на секој човек.