ДАЛИ ПИВОТО ОД ЃУМБИР ГО СМИРУВА ВОЗНЕМИРЕНИОТ СТОМАК? Еве што велат ИСТРАЖУВАЊАТА!

Пивото од ѓумбир има многу малку природни состојки, додека е преполно со додадени шеќери кои дури можат да ја влошат болката во стомакот.

Кога стомакот ви се превртува, имате мачнина и ви се гади, најверојатно ќе пробате сè за да го смирите. Иако постојат безброј природни лекови за вознемирен стомак, еден од најпопуларните е пиењето пиво од ѓумбир. Тоа е напивка за бремени жени во првиот триместар, родители кои им помагаат на болните деца да се чувствуваат подобро и секој што се бори со стомачна болка, но дали навистина делува?

Коренот од ѓумбир се користи како природен хербален лек за стомачни заболувања илјадници години. Истражувачите ја проучувале ефективноста на ѓумбирот за гадење и повраќање поврзани со бременоста и како несакан ефект на хемотерапијата. Тие откриле дека е ефикасна и безбедна опција за третман со низок ризик од негативни несакани ефекти.

Ова најверојатно се должи на моќните билни соединенија кои се наоѓаат во ѓумбирот, од кои некои ја зголемуваат стапката на варење за да го ограничат времето што храната го поминува во стомакот, а други ја блокираат нервната комуникација во цревата што доведува до гадење и повраќање.

Во едно мало истражување, на 67 бремени жени кои се пожалиле на гадење и повраќање им биле дадени или 1.000 милиграми ѓумбир или плацебо во текот на 4 дена. Осумдесет и пет проценти од жените кои земале ѓумбир имале подобрени симптоми во споредба со само педесет и шест проценти од жените кои земале плацебо.

Иако се покажа дека ѓумбирот е ефикасен третман за вознемирен стомак, пивото од ѓумбир најверојатно нема да го има истиот ефект. Повеќето пива од ѓумбир имаат многу малку вистински ѓумбир, додека се полни со додадени шеќери кои дури можат да го влошат вашиот стомак.

Ако сакате да ги избегнувате додадените шеќери, но сепак уживате во благодетите на ѓумбирот за смирување на стомакот, можете да пробате бонбони, чај или додатоци со ѓумбир, но не заборавајте да ја проверите етикетата за „ѓумбир“. Кога ќе го прочитате списокот со состојки, колку ѓумбирот е поблиску до горниот дел на листата, толку повеќе ѓумбир е вклучен во производот, пишува „EatThis“.