Спалети: Би рекол, браво за момците!

Наполи загуби со 1:0 од Милан на „Сан Сиро“ во првиот четврт-финален натпревар од Лигата на шампионите. Тренерот Лучијано Спалети и покрај поразот имаше пофалби за своите фудбалери по завршувањето на мечот.

„Коментирањето на натпреварите откако ќе завршат е губење време бидејќи не можеме да го промениме она што се случи. Видов одличен став од тимот дури и кога бевме со десетмина на теренот. Му честитав на Мењон за одбраните, Милан е одличен тим и одигравме како што треба, како што очекував. Браво за момците! Околу ефикасноста, мораме да го развиеме подобро чувството за реализација на шансите што ги создаваме“, изјави Лучијано Спалети.

Реваншот меѓу Наполи и Милан е на стадионот „Диего Армандо Марадона“ на 18 април.