Во Букурешт е потпишан историски договор: Електричната енергија од Азербејџан пристигнува во ЕУ

Претседателите на Азербејџан и Романија и премиерите на Грузија и Унгарија во Букурешт го потпишаа Договорот за стратешко партнерство со кој треба да се овозможи увоз на струја од Азербејџан во земјите на ЕУ, пред се Унгарија и Романија.

На договорот, кој беше потпишан во претседателската палата Котрочени во Букурешт, присуствуваше и претседателката на Европската комисија, Урсула фон дер Лајен, која изјави дека ова е голем ден за сите земји кои го потпишаа договорот.

„Двата брега на Црното Море никогаш не биле поблиску. Драго ми е што енергетскиот договор става толку силен акцент на обновливите извори на енергија. Сега градиме посилни енергетски интерконекции“, рече претседателот на Европската комисија.

Инаку, договорот потпишан меѓу земјите опфаќа финансиска и техничка рамка за реализација на проектот подморски кабел за транспорт на електрична енергија од обновливи извори меѓу Романија и Азербејџан, преку Грузија и Црното Море, а потоа и транспорт на оваа енергија до Унгарија и остатокот од Европа.

„Ние во Унгарија сме горди што можеме да учествуваме во ваква уникатна и стратешка инвестиција. Да бев 30 години помлад, би рекол дека е вистинскиот рокенрол да се изгради таков кабел под морето“, изјави Орбан по потпишувањето на договорот.

По заострувањето на односите со Русија, геополитичката важност на Азербејџан и Грузија во однос на електричната енергија значително порасна.

Во последните неколку месеци интензивна се расправа за проектот преку кој би се извезувала струја од Азербејџан, преку Грузија во Романија и Унгарија како земји од ЕУ.

„Сакаме да создадеме нов голем систем за снабдување со електрична енергија. Суштината би била струјата од Азербејџан да стигне до Унгарија преку Грузија и Романија. Ова ќе ни овозможи да го замениме големото количество природен гас што го користиме денес за производство на електрична енергија во Унгарија. “, рече Орбан, во октомври.