Спасот го гледам само во Спасовски: Полиција го бара зет ми за исчезнувањето на внукот на Љубе Бошковски, а полицајците го малтретираат син ми !!!!

Снежана Јаковлеска, медицинска сестра од Клиниката за гинекологија и акушерство во Скопје, во разговор со „Слободен печат“ се пожали дека полицијата го малтретира нејзиниот син во врска со исчезнувањето на внукот на Љубе Бошковски, Самоил Костадиновски, за кој веќе подолго време нема напредог во потрагата.

Таа вели дека Самоил бил добар пријател на нејзиниот зет, за кого исто така нема слушнато подолго време и сознанијата се дека е во странство, но затао, како што вели Јаковлевска, полицијата секојдневно го малтретирала нејзиниот син кој немал никаква врска со внукот на Бошковски.

-Сето ова почна со исчезнувањето на внукот на Љубе Бошкоски, којшто беше добар другар на зет ми. Зет ми беше повикан во полиција, разговараа со него и го пуштија. По недела дена, во домот ми се спроведува претрес за недозволено производство и пуштање во промет на наркотични дроги. Како ова е напишано и дојдено до мене и мојата куќа, не ми е јасно. Не најдоа ништо зашто нема, ниту пак некогаш имало. Рекоа дека не го бараат тоа од наредбата, туку го бараат мојот зет и дека целиот претрес е поради него. Последните неколку недели никој од нас нема контакт со зетот. Ниту знаеме каде е, ниту комуницираме. Како што имаме дознаено, тој е во странство, вели Јаковлеска.

Нејзиниот син потоа бил пресретнуван од полицајци и на неговото работно место во скопска пицерија, испрашуван, физички и психички малтретиран.

-Мојот син потоа отиде на Ургентен центар и таму во извештај му се регистрирани настанатите повреди на лицето. Отидовме и во полициската станица Карпош и тие повикаа и внатрешна контрола и коректно и уредно ни зедоа изјави. Но. тоа не престана тука. Истото продолжи и потоа, повторно на неговото работно место, и тоа откако од внатрешната контрола дојдоа и ги зеле снимките од камерите за надзор од претходната пријава, додава мајката.

Последниот спас го гледа во тоа да му испрати писмо на министерот Оливер Спасовски.

The post Спасот го гледам само во Спасовски: Полиција го бара зет ми за исчезнувањето на внукот на Љубе Бошковски, а полицајците го малтретираат син ми !!!! appeared first on Шило Магазин.