ИТНО!! ФРЛЕНА БОМБА КОН ЈАПОНСКИОТ ПРЕМИЕР: Фумио Кишида веднаш евакуиран, напаѓачот совладан (ФОТО/ВИДЕО)

Јапонскиот премиер Фумио Кишида беше евакуиран во саботата откако беше фрлена димна бомба каде што се подготвуваше да одржи говор во градот Вакајама.

Подоцна беше потврдено дека премиерот е неповреден и безбеден, објавија јапонските медиуми.

Видео снимката покажува дека луѓето во рибарското пристаниште Саиказаки во Вакајама трчаат за засолниште околу 11:25 часот по локално време, додека со човекот најпрвин се соочиле двајца локални рибари. Неколку други – веројатно полицајци на местото на настанот – потоа го задржаа осомничениот.

Сведок на настанот изјави дека едно лице фрлило направа кон премиерот, дека се слушнала силна експлозија, а потоа се забележал чад.

Засега нема извештаи за повредени лица.

Едно лице е веднаш уапсено, а се појавија видео снимки на кои се гледа како полицајците го држат осомничениот.

Јапонскиот јавен радиодифузер NHK прикажа снимка на која се гледа како луѓето бегаат од местото на инцидентот. Се гледа и како се одзема човек.

Кишида го започнуваше својот говор на пристаништето Вакајама кога бомбата беше фрлена врз него. Тој дојде да го поддржи кандидатот на Либерално-демократската партија за вонредните избори планирани за крајот на овој месец. Тој неповреден го напуштил местото на настанот по инцидентот кој се случил додека разговарал со кандидатот на либералите.