Ким Кардашијан купи луксузна вила од 70 милиони долари, четврта најскапа во Калифорнија

Ријалити ѕвездата Ким Кардашијан ја купи најскапата двокатна вила во елитен кварт и четврта најскапа во Калифорнија. Ким го купи својот нов дом во Малибу, кој некогаш и припаѓаше на манекенката Синди Крафорд, за 70,4 милиони долари.

Реновирањето на новиот дом траел една година и сега пред вилата има камиони и работници од компанија специјализирана за преместување, истовар на големи кутии и нивно внесување во вилата.

– За мене оваа куќа е резултат на напорна работа која ја вложив многу време и сега уживам во плодовите – изјавила Ким за странските медиуми.

Нејзиниот нов дом се простира на 7.450 квадратни метри, се наоѓа на карпа со поглед на океанот. Покрај приватниот пристап до плажата, вклучува и удобности како што се базен со простор за одмор со отворен камин, тениско игралиште, луксузен спа центар и градина која повеќе личи на тревник со ретки растенија отколку на градина.

– Чувствувам нова енергија. Со нетрпение очекувам да направам спомени оттука – изјавила ријалити ѕвездата.

Новиот имот ѝ го покажала на својата сестра Клое Кардашијан за прв пат, додека ги следеле телевизиските камери за семејното реално шоу „Кардашијан“.

Главната резиденција на Ким е во Хиден Хилс, Калифорнија, каде што живеела со нејзиниот поранешен сопруг Канје Вест (46) и нивните четири деца. Кога формално се раздели во 2022 година, замокот во Хиден Хилс и припадна на Кардашијан.

Покрај тоа, реалити ѕвездата го ангажирала јапонскиот архитект Тадао Андо да и дизајнира викендица во Палм Спрингс и да изгради уште една на непозната локација, пишуваат странските медиуми.