Драматично предупредување од Берлин: Германија беше модерна и богата социјална држава со децении, а сега може да мутира во состојба на сиромашна држава

Рекордно ниво на сиромаштија во Германија е забележано уште пред почетокот на наглиот раст на цените, пишува Фокус онлајн, повикувајќи се на зборовите на експертот Улрих Шнајдер.

Според Шнајдер, наглиот пораст на трошоците за живот го осиромашува германското население.

– Сиромашните станаа уште посиромашни, куповната моќ им е уште помала и не знаат како можат финансиски да го поминат месецот – рече Шнајдер. Експертот истакна дека поради инфлацијата бенефициите за невработеност изгубиле голем дел од својата вредност.

Шнајдер потсети дека и пред наглиот раст на цените, во Германија е забележан рекорден број сиромашни – 13,8 милиони луѓе. Според експертите, актуелната криза може да доведе до тоа уште 12 милиони граѓани да паднат во категоријата сиромашни. Шнајдер забележува дека многу луѓе немаат финансиски заштеди. Експертот верува дека, доколку не се преземат мерки, германското општество ќе биде во опасност од распаѓање.

– Германија со децении беше модерна социјална држава. Не можеме да дозволиме да мутира во состојба на сиромашна држава – рече Шнајдер. Во исто време, експертот ги критикуваше постапките на владата. Според него, мерките што ги преземаат властите се корисни само за луѓето со високи примања, а најсиромашните делови од населението се оставени сами на себе.