Четврта фаза од терестрична дезинсекција против возрасни форми на комарци

Градот Скопје од понеделник до петок во период од 22.00 до 03.00 часот наредниот ден, ќе ја реализира четвртата фаза од терестрична дезинсекција на подрачјето на градот Скопје против возрасни форми на комарци.

Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истите термини.

Од Градот ги известуваат пчеларите навреме да ги преземат потребните мерки за заштита на пчелите.