Како Синиша Михајловиќ им ставал имиња на своите деца!? Знаел како да им докаже на блиските колку ги сака

Блескавите успеси на Синиша Михајловиќ, познатиот фудбалски ас и стручњак, денеска се наредени пред нашите очи и се сеќаваме на неговата големина и вечна кариера. Семејните вредности беа работи кои Синиша го правеа најсреќен човек на светот.

Деталите од приватниот живот кажуваат многу за него како личност. Синиша Михајловиќ почина на 16 декември на 54-годишна возраст по долга и тешка борба со леукемијата. Таа вест предизвика лавина тага во Србија, регионот и светот.

Синиша Михајловиќ на ќерката името и’ го дал по мајка си, а на синот, по кумот Мирослава Тањга.

Срцето на Синиша Михајловиќ беше полно со љубов. Тој можеше да ги покаже своите емоции кон драги луѓе на прекрасни начини. Така тој ја покажа љубовта и почитта кон својата мајка Викторија со тоа што на ќерката и го даде нејзиното име. Тоа бил чин кој предизвикал голема среќа и гордост кај неговата мајка. Славниот Миха на ист начин покажа колку големо пријателство имал со својот пријател, кум и брат, Мирослав Тањга.

Михајловиќ и Тањга не беа браќа по крв, но беа браќа по срце. Синиша на својот син Мирослав му го дал името на пријателот, а потоа на ист начин му возвратил и Тањга.

,,Синиша и јас бевме како браќа. Кумови бевме еден на друг. Неговиот син го носи моето име, а мојот син, името на Синиша. Тој секогаш ќе остане тука, за мене Синиша не е мртов. Се гледавме и слушавме постојано”, изјави Миросав Тањга, кој има три деца со сопругата Радмила.

„Селектор станав откако ја завршив играчката кариера во Мајнц во 1999 година. Прво бев скаут две години потоа спортски директор на Војводина, а потоа почнав да работам со Синиша. Немам тренерска кариера, но факт е дека играв со неколку фудбалери кои станаа големи тренери. Освен Михајловиќ, тука е и Клоп со кој играв во Мајнц и Нико Ковач, мојот соиграч во Херта” – додаде Мирослав.