МОЛДАВИЈА СТРАВУВА ДЕКА РУСИЈА ЌЕ ЈА НАПАДНЕ! Шефот на службата за безбедност: Не е прашање дали, туку кога ќе го направат тоа!

Шефот на молдавската безбедност Александра Мустеата предупреди на „многу висок“ ризик од нова руска офанзива на истокот на неговата земја, повторувајќи ги неодамнешните пораки од неколку украински воени команданти дека Москва се подготвува за нова голема офанзива на почетокот на следната година.

Русија сè уште има за цел да обезбеди копнен коридор низ Украина до отцепениот молдавски регион Придњестровје, изјави Мустеата за телевизискиот канал ТВР-Молдавија, како што пренесе Ројтерс.

„Не е прашање дали Руската Федерација ќе започне нов напредок кон територијата на Молдавија, туку кога ќе го направи тоа“, и додаде дека смета оти Москва разгледува неколку сценарија за да стигне до Молдавија и дека тоа е можно ,офанзивата ќе започне во јануари-февруари или подоцна во март-април.

Нападот на Украина беше одложен три пати

Украински разузнавач тврди дека Владимир Путин три пати го одложувал почетокот на својата инвазија.

Вадим Скибицки, заменик-шеф на Украинската одбранбена разузнавачка служба, во интервју за германски Билд изјави:

„Врз основа на информациите што ги собравме, оваа воена операција беше одложувана три пати. Последното одложување се случи во средината на февруари“, рече тој.