Шокантна идеја на претседателот на ФИФА: Светското првенство повеќе нема да се одржува на секои четири години?

Џани Инфантино сака Светско првенство на секои три години.

Џани Инфантино започна со нови идеи во светот на фудбалот. Првиот човек на ФИФА доби нова идеја по завршувањето на Светското првенство во Катар.

Инфантино е многу љубител на иновациите и на своите луѓе им предложи ФИФА да го воведува светското првенство на секои три години, а сегашниот систем, според кој светското првенство го гледаме на секои четири години, да биде отстранет.

Главниот човек на ФИФА е воодушевен од бројките во Катар, за него Катар е најдоброто првенство во историјата, а сега сака што побрзо да види нови натпреварувања.

Дополнително на сето тоа навести дека во 2025 година ќе воведе проширено Светско клупско првенство, но се уште ја нема добиено поддршката од играчите и клубовите, па таа одлука се уште се чека.

Што се однесува до новиот тригодишен систем, не може да се имплементира пред Светското првенство во 2030 година, бидејќи календарите се речиси завршени до таа година.

УЕФА ја бојкотира идејата

Чадорот на европската фудбалска организација се спротивставува на оваа идеја на ФИФА. Александар Чеферин се здружи со јужноамериканската конфедерација КОНМЕБОЛ и тие рекоа дека не сакаат Светско првенство на секои три години.

Лесно е можно фудбалските ѕвезди и најголемите клубови да се спротивстават на оваа идеја, а доколку му ја треснат вратата, Инфантино сепак може да се откаже од својата луда идеја која го шокираше фудбалскиот свет.