НОВ УДАР ЗА РУСИЈА! Украинските специјални сили освоија нафтени платформи во Црното Море: Сега сме уште поблиску до враќање на Крим

Украинските специјални сили повторно ги зазедоа морските платформи за дупчење што ги држеше Русија од 2015 година во „уникатна операција“ што може да значи обид да се врати контролата врз Црното Море.

Воената разузнавачка служба (ГУР) во понеделникот објави видео на кое се гледаат украинските сили како го ставаат знамето на Украина на платформа позната како „Кули Бојка“.

НОВ УДАР ЗА РУСИЈА! Украинските специјални сили освоија нафтени платформи во Црното Море: Сега сме уште поблиску до враќање на Крим

Платформите за нафта и гас во северозападниот дел на Црното Море се под руска контрола од анексијата на полуостровот Крим.

„Москва ги искористи за да воспостави воена контрола над водите во близина на јужниот брег на Украина од почетокот на сеопфатната инвазија“, се вели во објавата на ГУР на социјалните мрежи.

Преземањето на платформите е најновиот напад врз регионот на Крим од страна на украинските специјални сили или флоти со беспилотни летала. Британските воени претставници минатиот месец изјавија дека кулите би можеле да служат како бази за распоредување напред, или места за слетување хеликоптери и распоредување ракетни системи со долг дострел.

Не е познато колку време им требаше на украинските сили да ја вратат контролата врз објектите, но се верува дека операцијата е дел од долгорочните напори за деградирање на руските сили во Црното Море.

За Украина, враќањето на контролата врз „кулите Бојка“ беше од стратешко значење и како резултат на тоа Русија ја загуби способноста да ги користи за воени цели. На Русија и се ускратува можноста целосно да ги контролира водите на Црното Море, а тоа ја прави Украина многу чекори поблиску до враќањето на Крим – наведува ГУР во видеото.