Ф35 што исчезна, откриен целосно уништен

Воените власти пронајдоа делови од исчезнатиот американски воен авион Ф-35, наречен „невидлив“.

Скап борбен авион исчезна над Јужна Каролина кога пилотот се катапултираше.

Воените власти соопштија дека делови од остатоците од авионот, кој исчезна во неделата попладне и се проценува на околу 100 милиони долари, се пронајдени во рурална област на округот Вилијамсбург, објави Би-Би-Си рано утринава.

Локалната конгресменка Ненси Мејс праша „како е можно да се изгуби Ф-35“. Нема ли апарат за следење на авион и сега бараме од граѓаните да го најдат?“, порача таа на социјалните мрежи.

Во моментов е во тек истрага за целиот случај, соопшти кусо американската војска.