Хрватска пријавила забранет пестицид во пиперки увезени од Македонија

Забранет токсичен пестицид е откриен во зеленчук увезен од Македонија, објави во средата Европскиот систем за брзо предупредување во трговијата со храна.

-Во пиперките од Македонија откриени се остатоци од пестицидот форметанат. Ризикот е сериозен, се вели во денешното соопштение.

Форметанат е исклучително ефикасен инсектицид кој се користи во производството на овошје и зеленчук. Многу земји се уште го користат, но во Европската Унија е забранет поради сомневање дека може да влијае на здравјето на луѓето, јавува Н1.

Форметанатот е многу акутно токсичен ако се проголта орално, умерено токсичен ако се вдишува и има ниска акутна токсичност ако се нанесува на кожата.