План „Арката на Ное!” Поранешниот помошник на Путин тврди: Претседателот се подготвува за бегство и евакуација, еве каде!

Планот за евакуација почна да се разработува пролетта, кога неофицијално беше наречен ,,Арката на Ное“, пренесува The Daily Beast.

Рускиот претседател Владимир Путин и неговиот близок круг веќе имаат подготвен план за бегство доколку работите тргнат наопаку, вели поранешен помошник на рускиот претседател, Абас Гаљамов.

Поранешен пишувач на говори на Путин, го изнесе ова запрепастувачко тврдење на Телеграм рано во средата, повикувајќи се на неименуван извор за кој рече дека има „инсајдерски“ информации за целиот процес.

„Како што кажува и името, станува збор за потрага по нова земја во која би можел да се оди во случај да стане непријатно во татковината. Околината на претседателот не исклучува дека тој ќе ја изгуби војната, ќе биде соборен од власта и дека ќе мора итно да се евакуира некаде“, напиша Гаљамов.

Внатрешното опкружување на Путин прво разговарало за планот за евакуација во Кина, тврди Гаљамов, но подоцна размислувале малку подобро, поради стравувањата дека шансите за соработка од Кинезите се многу мали, особено што Кинезите ги презираат губитниците.

Сега, како што рече, фокусот е на Аргентина или Венецуела. Како што вели тој, сојузникот на Путин, Игор Сечин, во моментов размислува за план за евакуација во Венецуела.

Маргарита, Еквадор, Парагвај се можни опции

Планот отиде толку далеку, вели Гаљамов, што „десната рака“ на Сечин во енергетскиот гигант Роснефт официјално поднесе оставка за да се справи со оваа работа.

Повикувајќи се на два извори блиски до претседателската администрација и извор во Роснефт, телеграмскиот канал ,,Mozem Objasnit” (преведено – Можам да објаснам), исто така известува дека високи руски функционери веќе почнале да купуваат недвижен имот и да работат на добивање права за престој во Венецуела.

Пониско рангираните во претседателската администрација и руската влада, според истиот извор, бараат престој во Еквадор, Парагвај и Аргентина. Поточно, цитиран е извор кој рекол дека руските власти ја презеле сопственоста на островот Маргарита во Венецуела, уверени дека ќе бидат безбедни таму од екстрадиција.