Запалена детска лизгалка и целосно уништени неколку игралишта во Аеродром

Општина Аеродром на својата фејсбук страна утрово сподели фотографии од неколку детски игралишта што се целосно уништени од несовесни вандали. Едно од нив е детското игралиште во населбата Ново Лисиче во близина на детската улица, каде несовесни граѓани ја запалиле детската лизгалка.
Деновиве повторно сме сведоци на вандалски чин на неколку локации каде од страна на несовесни граѓани оштетени се новите детски игралишта во Аеродром.

Во изминатите неколку денови, општинските служби затекнаа оштетени детски игралишта, уништени спортско – рекреативни реквизити и урбана опрема на повеќе локации во општината.

Најстрого го осудуваме овој вандалски чин и апелираме до граѓаните да бидат совесни кон јавните површини. Истовремено бараме од надлежните државни институции со засилени активности да ги спречат појавите на вандализам во општината.

The post Запалена детска лизгалка и целосно уништени неколку игралишта во Аеродром appeared first on Шило Магазин.