Рецепт за печени котлети со боранија и сусам

Состојки:

– 250 гр боранија

– 4 мали компири

– 1 лажичка свежа мајчина душица

– 1 парче рендана кора од лимон

– сусам

– сол

– маслиново масло

Подготовка:

Компирите убаво измијте ги и сварете ги со кора. Оставете ги да се изладат, а потоа излупете ги и изгмечете ги.

Боранијата исчистете ја, измијте ја и ставете да се вари на пареа десет минути. Потоа исечете ја, ставете ја во тавче со две лажици маслиново масло и мајчина душица и пржете неколку минути.

Изладената боранија измешајте ја со компирот, додадете ситно изрендана кора од лимон и посолете по вкус.

Од смесата се формираат 12 крокети, малку се измазнуваат и секоја се валка во сусам (по желба може да го запечете сусамот на сува тава).

Крокетите се редат во плех обложен со хартија за печење, малку намачкан со маслиново масло и се печат околу 15 минути во рерна загреана на 180 степени.

Свртете ги на половина од печењето за да добијат еднаква боја од двете страни.