Приватен инвеститор со денови узурпира тротоар на главната улица во Ѓорче Петров

Читател до нашата редакција попладнево испрати фотографии на кои се гледа како приватен инвеститор кој гради станбена зграда буквално го има окупирано тротоарот.

Станува збор за главната улица во скопската населба Ѓорче Петров каде стотина метри од тротоарот се блокирани со арматура, импровизирани дрвени платформи и огради.

Тоа е небезбедно за пешаците и велосипедистите, кои мора да одат по главната улица на која поради близината на автопатот кон Тетово се вози доста брзо.