ЕВЕ ЗОШТО СЕ „ПУКНА“ ВО ФРАНЦИЈА! Двајца играчи му свртеа грб на Бензема, го “замолија” тренерот – ИСТЕРАЈТЕ ГО!?

Карим Бензема по „грозоморните гревови“ се врати во француската репрезентација, а тоа не им се допадна на сите.

Француската фудбалска репрезентација беше поразена во финалето на Светското првенство против Аргентина, но она што многу повеќе ги загрижува навивачите е лошата атмосфера во тимот. Во доцната фаза од турнирот се појави информација дека Карим Бензема му направил голем проблем на тренерот Дидие Дешан, кого постојано го „пецкаше“ преку социјалните мрежи, откако официјално најдобриот светски фудбалер беше „прешкртан“ од турнирот поради повреда.

Не е изненадување што незадоволниот Бензема веднаш по турнирот објави дека се повлекува од репрезентацијата, а потоа почнаа да протекуваат информации дека има соиграчи од репрезентацијата кои жестоко се спротивставуваат на него.

Неофицијално, против Бензема во националниот тим беа капитенот Уго Лорис и еден од најдобрите играчи на „триколорите“, Антоан Гризман, но не се знае зошто. Се шпекулираше дека биле против враќањето на Бензема во репрезентацијата на претходното ЕП, кога Дешан поради лошата форма на останатите напаѓачи попуштил под притисокот и го вратил играчот на Реал Мадрид во тимот – претходно исфрлен поради интимниот видео скандал.

Има информации дека имало и такви кои биле на страната на Бензема, дури и Оливие Жиру бил еден од нив, кој поради него го загубил местото стартер во Франција.

Ќе видиме дали ќе има промени во француската репрезентација по поразот во финалето на Мундијалот, откако веќе подолго време се шпекулира дека Зинедин Зидан би можел да го замени Дидие Дешан. Доколку тоа се случи, се верува дека Бензема би се предомислил и би се вратил во редовите на „триколорите“, токму на време за ЕП 2024 година.