Лепа Лукиќ се збогуваше со публиката: во Белград го одржа последниот концерт во нејзината кариера

Познатата српска пејачка на народна музика, Лепа Лукиќ вчера во Белград, после пауза од шест години одржа концерт.

Како што најави пејачката ова е и последниот нејзин солистички концерт во кариерата, но таа и понатаму ќе продолжи да се занимава со музика.

Овој единствен потфат на познатата пејачка со наслов „Лепини путичи“, го поддржа оркестарот на Миша Мијатовиќ, како и неколкумината гости на концертот, како Зорица Брунцлик, Ана Бекута, Иван Милинковиќ, Милан Топаловиќ, Снежана Ѓуришиќ, Цакана, но и младата пејачка Милица Миловановиќ.

Концертот бил доста емотивен, а за тоа сведочеле и лицата на луѓето во публиката, како и солзите на Лепа Лукиќ, со оглед на тоа дека на некој начин се збогувала со публиката.