БЕНЈАМИН НЕТАНЈАХУ – Сподели драматична објава во која ги обвини првите луѓе на тајните служби за нападот, потоа ја избриша: “Извинете, згрешив“

Премиерот на Израел, Бенјамин Нетанјаху, во објава на социјалната мрежа Х (Твитер) ги повтори тврдењата дека првите луѓе на безбедносните сили не го предупредиле за нападите на Хамас на 7. октомври, привлекувајќи остри критики како очигледен обид да се избегне одговорноста за катастрофата.

Тој ја сподели оваа објава, а девет часа подоцна ја избриша, додека утрово се извини, јавуваат израелските медиуми.

Палестинци упаднаа во магацините за храна на ОН: Грабаат што можат, очај владее насекаде
БЕНЈАМИН НЕТАНЈАХУ – Сподели драматична објава во која ги обвини првите луѓе на тајните служби за нападот, потоа ја избриша: “Извинете, згрешив“
Жителите на Гренланд веќе не го поместуваат часовникот назад: Нема повеќе зимско сметање на времето
НОВАК И РИТА ОРА ЗАЕДНО НА НАТПРЕВАР: Реакцијата на најдобриот светски тенисер со АЛБАНСКАТА ПЕЈАЧКА Е ХИТ
Детали за смртта на Метју Пери: Сите се сомневаат во едно!
Објавено шокантно видео од киднапирањето на родителите на познатиот фудбалер! Вооружени напаѓачи како на филм упаднаа во автомобилот (ВИДЕО)
Драмата заврши, таткото на Дијаз е жив! Полицијата ги уби киднаперите, па го спаси заложникот?
Светот брзо се вооружува: Објавен списокот на земји кои најмногу инвестираат во арсеналот, првите пет потрошиле повеќе од 1.400 милијарди долари (фото)
Ердоган на милионскиот митинг за Палестина: Масакрот во Газа е целосно дело на Западот
Бизарен инцидент во центарот на Рим: Ротвајлер падна од прозорец од третиот кат врз трудница (фото/видео)

„Наспроти неточните тврдења: под никакви услови и во ниту една фаза премиерот Бенјамин Нетанјаху не беше предупреден за воените намери на Хамас“, пишуваше во оригиналниот текст што беше објавен нешто по еден часот по полноќ, по заедничката прес-конференција одржана со Министерот за одбрана на Израел, Јоав Галант и членови на воениот кабинет.

Во објавата се наведува дека сите безбедносни службеници, вклучително и првиот човек на военото разузнавање и директорот на Шин Бет (разузнавачка служба за внатрешна безбедност), оцениле дека Хамас е заплашен и бара договор.

„Таа оценка постојано ја доставуваа до премиерот и до Владата сите безбедносни сили и разузнавачката заедница, до избувнувањето на војната“, стоеше во објавата од кабинетот на Бенјамин Нетанјаху.

Еден час по бришењето на објавата, Бенјамин Нетанјаху се извини и утрово напиша дека „згрешил“.

„Работите што ги кажав по прес-конференцијата не требаше да се кажат и жал ми е поради тоа“, порача Бенјамин Нетанјаху.

Тој додаде дека целосно ги поддржува првите луѓе на безбедносните служби и упати зборови на охрабрување до началникот на Генералштабот на израелската Армија, командантите и војниците кои се на првите линии и се борат за, како што вели тој „нашиот дом“.

Изјавата на Бенјамин Нетанјаху, во која тој изгледа дека вината ја префрла на безбедносните службеници за пропустите што доведоа до масакрот на 7. октомври, наместо самиот да ја прифати одговорноста, предизвика остри критики од неговиот воен кабинет.

За потсетување, повеќе од 1.400 луѓе, главно цивили, беа убиени во нападите на Хамас врз јужен Израел, а околу 230 беа заробени и однесени во Појасот Газа како заложници.