НОВ НЕГАТИВЕН РЕКОРД? Возот од Скопје до Неготино патувал 6 часа

Патничкиот воз Скопје – Неготино синоќа удрил во железен предмет кој испаднал на пругата од друг воз, при што патниците патувале шест часа. Како што објасни неготинецот Илија Стамков, поголемиот дел од возот останал во тунелот, само предниот дел каде што е кабината на машиновозачот бил излезен надвор.

НОВ НЕГАТИВЕН РЕКОРД? Возот од Скопје до Неготино патувал 6 часа
СТИСКАЊЕ кај Авдеевка! Погледнете ја бруталната акција на руските тенкови и дронови (ВИДЕО)
ИНВАЗИЈА НА СТРШЛЕНИ: Напаѓаат туристи во Рим, гнездата им се огромни и имаат по 1.000 инсекти, а ги привлекле ДВЕ РАБОТИ
ДИСПЕЧЕР ЗА ИТНА ПОМОШ ЗАНЕМЕЛ ПО ПОВИК НА МОМЧЕТО: Само што ја убив мајка ми, имам нож и пиштол, крв има низ целата куќа
ЗАПОЧНАА ПРЕГОВОРИТЕ ЗА УКРАИНСКИОТ МИРОВЕН ПЛАН – На состаноците во Малта присуствуваат 65 официјални претставници, но не и Русија
Откриено е кој е милионерот кој ја крена Хрватска на нозе: Слетал со хеликоптер без најава, па извадил пушка и тргнал на лов
Ердоган на милионскиот митинг за Палестина: Масакрот во Газа е целосно дело на Западот
Светот брзо се вооружува: Објавен списокот на земји кои најмногу инвестираат во арсеналот, првите пет потрошиле повеќе од 1.400 милијарди долари (фото)
СЗО СО ИТНО СООПШТЕНИЕ – “Предупредувањето на Израел е длабоко вознемирувачко“

– Се беше во ред се додека машиновозачот кој има подолго искуство и возеше бавно во тунелот пред Велес, не го забележал предметот железо што наводно испаднал од друг воз и почна со кочење, но бидејќи возот има голема тежина удривме во железниот предмет, од кој што можевме да бидеме исфрлени од железничката пруга. Се слушнаа неколку удари, јас помислив дека можеби ќе бидеме исфрлени од пругата, но закочивме и поголемиот дел од возот остана во тунелот, само предниот дел каде што е кабината на машиновозачот беше излезен надвор од тунелот, рече Стамков.

Возот застанал и според информациите на патниците, случајот бил пријавен кај надлежните и во полиција. Безбедноста била, како што им кажале, околу тоа дали ќе продолжи возот, бидејќи од ударот, не можело да се види дали има некое оштетување.

– Полиција дојде, но тоа не значеше крај на нашите маки. Се изначекавме. Почнаа сите од возот да излегуваат и да се бунат, три пати испаднавме и се буневме, два пати не лажеа дека сега ќе тргнеме, сега ќе тргнеме. Испаднавме и почнавме во нервоза да се караме поостро и поостро. Благодарност до машиновозачот кој беше присебен и ни ги спаси животите на сите со неговата брза реакција и кочење.  Стасав на железничка станица Неготино во 23 часот, а тргнав од Скопје околу пет часот, нагласи Стамков.

Тој додаде дека додека возот стоел, неколкумина патници тргнале пеш по пругата до Велес.

– Имаа среќа и не им се случи ништо лошо по патот, по таа темница по пруга. Кога тргнавме, ги качивме и нив по патот, рече Стамков.

Тој изрази надеж дека во иднина нема да се случуваат вакви немили настани.