Пет раси на кучиња кои се одлични за луѓе со алергии

Ниту една раса на кучиња не е 100 проценти хипоалергична, но според американскиот Kennel Club, постојат одредени раси кои луѓето кои се алергични на кучиња можат да ги имаат.

Луѓето кои страдаат од алергии обично се алергични на протеин што кучињата го излачуваат преку нивната кожа, а кој исто така се наоѓа во нивната урина и плунка. Малите кучиња, кои помалку се митарат, можат да бидат совршени за луѓе кои страдаат од алергии, бидејќи ослободуваат помалку алергени.

Пет популарни раси се сметаат за хипоалергични од многу експерти:

Кадрав бишон

Кадравите бишони се љубопитни и интелигентни мали кучиња, кои можат да ги придобијат сите со својот шарм.

Тие се лесни за тренирање бидејќи сакаат да ги задоволат своите сопственици и исто така се совршени миленици за градскиот живот. Бишоните се вистински радости, кои одлично се согласуваат со кучињата и децата.

Малтезер

Малтезери се мали кучиња со тежина од три до четири килограми, познати по нивното долго, свилено, бело крзно.

И покрај нивната големина, тие се многу отпорни и прилагодливи кучиња, кои се согласуваат со луѓе од сите возрасти. Тие знаат да бидат малку тврдоглави, поради што треба да се обучуваат.

Пудлица

Пудлиците се поделени во три групи по големина, стандардни пудлици, минијатурни пудлици и „играчки“ пудлици.

Имаат кадраво крзно кое доаѓа во различни бои. Пудлиците се многу активни кучиња, а важат и за една од најинтелигентните раси, поради што е лесно да ги научите на разни трикови.

Шнауцер

Слично на пудлиците, шнауцерите исто така доаѓаат во три различни групи, големи шнауцери, средни шнауцери и минијатурни шнауцери.

Сите три групи шнауцери се познати по својата интелигенција и пријателска природа, но средните и големите шнауцери бараат поискусни сопственици.

Овие кучиња се исклучително активни, па им треба многу вежбање за да се ослободат од вишокот енергија. Покрај тоа, тренирањето на шнауцерите треба да се започне што е можно порано, бидејќи тие се многу тврдоглави кучиња.

Јоркширски териер

Пред да станат едно од најпопуларните домашни миленици, јоркширските териери се користеле како фаќачи на стаорци.

Тие се храбри и издржливи кучиња, тешки околу три килограми и совршени за живеење во градовите.

Иако се мали, бараат трпение од сопствениците кога ги тренираат.