ЕВЕ КАКО ИЗГЛЕДА КУЌАТА НА НАЈДОБРИОТ АРХИТЕКТ НА СВЕТОТ: Не им се допаднала на соседите, но денес е ВИСТИНСКА СЕНЗАЦИЈА

Тој се смета за најдобар архитект денес, а ова е неговиот дом

Сите го знаат Френк Гери, кој важи за најголемиот архитект на денешницата, по бројните градби кои ги изградил низ светот, меѓу кои е и познатата Зграда за танцување во Прага.

Интересно е што Гери, американски архитект со канадско потекло, стана познат пред неколку децении кога дизајнираше сопствена куќа.

Резиденцијата Гери, која се наоѓа во Санта Моника, Калифорнија, се смета за еден од најраните примери на деконструктивна архитектура, која и денес е инспирација за многу млади архитекти.

Прекрасната вила била направена од неконвенционални материјали кои никогаш досега не биле користени на тој начин и долго време била тема во архитектонските кругови.

Гери ја изградил оваа куќа околу постоечка куќа во холандски колонијален стил.

Имено, во 1977 година Френк и Берта Гери купиле куќа која првично била изградена во 1920 година и решиле да ја реновираат. Гери сакаше да експериментира со материјалите што веќе ги користел- метал, иверица и дрвени рамки.

Во 1978 година, тој одлучи да и даде нов изглед на куќата со тоа што го остави холандскиот колонијален дом недопрен и изгради нова куќа околу неа. Овој нов архитектонски стил воопшто не им се допаднал на соседите, но тоа не го сменило фактот дека куќата е уметнички израз испреплетен со архитектурата.

А внатрешноста на куќата е комбинација од старо и ново. Ова е особено видливо кога ќе поминете низ просториите на куќата и ќе ги видите новите врати што ги поставил и постарите што првично биле во куќата.

Така, кога ќе седнете на маса, ги гледате сите автомобили кои поминуваат, ја гледате Месечината, но на погрешно место бидејќи таа се рефлектира поинаку и не знаете ни каде сте“, рекол еднаш овој познат архитект.