Столтенберг нѐ пофали: Македонија е ценет сојузник на НАТО

Република Македонија е ценет сојузник на НАТО. Навистина ве цениме и многу ги цениме вашите придонеси кон нашата Алијанса. НАТО може да се потпре на Македонија, а Македонија може да се потпре на НАТО, изјави денеска на генералниот секретар на НАТО Јенс Столтенберг на заедничката прес-конференција со премиерот Димитар Ковачевски во Владата.

Столтенберг во Скопје: ,,Македонија може да се потпре на НАТО“
Малку е веројатно дека будалата ќе доживее старост! Медведев без влакна на јазикот за Зеленски
Македонија е меѓу подобрите на Балканот: Еве кој е лидер во регионот по резерви на злато
Нов напад врз Залужни! Објавени приватни фотографии од украинскиот генерал: Има време за жени, но нема време за војската
СÈ ИЛИ НИШТО !? Доколку победи на изборите во 2024 година, Владимир Путин ќе започне операција која сè уште не е видена во модерна Русија

Вие придонесувате кон безбедноста и стабилноста на Западен Балкан преку нашите мировни мисии со КФОР на Косово, Решени сте да дојдете до два проценти од БДП потрошени на одбраната до следната година, а Македонија силно ја осуди и руската агресија против Украина. Се приклучивте на ЕУ во наметнувањето санкции кон Москва и нудите воена и финансиска поддршка на Украина. Алијансата ви гарантира безбедност. Покриени сте од авионите на НАТО, и ова е всушност солидарноста на НАТО на дело – нагласи Столтенберг.

Тој посочи дека безбедноста на Западен Балкан е од суштинско значење за НАТО и, како што рече, тука има причини за загриженост.

Во Бих се појавија тензии и тука ги охрабрувам политичките лидери да се воздржат од поделбени и сецесионистички реторики, и наместо тоа да ги концентрираат своите напори на помирување и на мирна иднина. Во Косово неодамна видовме инциденти со сериозно насилство. Белград и Приштина мора да се впуштат во дијалогот којшто е олеснет од ЕУ затоа што тоа е единствениот начин да се дојде до решението ќе ги почитува правата на сите заедници – порача Столтенберг на прес-конференција во Владата.

Премиерот Ковачевски од своја страна истакна дека Македонија како членка на НАТО продолжува да вложува во јакнење на капацитетите во задржување и јакнење на статусот на сојузник од доверба во Алијансата.

Како најмлади членки се посветивме и ја постигнавме воената интеграција од било која претходна земја-членка која се приклучила на Алијансата – истакна Ковачевски.

Според него, стабилноста на регионот е исклучително и суштински важно и тоа повеќе од кога било досега.

Токму затоа наш приоритет е евроинтеграцијата. Пред се на Македонија, но и на регионот. Не смееме да имаме пречки и кочници на тој пат и ќе направиме се што е потребно да го исчекориме до крај, се до нашето членство во ЕУ во 2030 година – рече Ковачевски на заедничката прес-конференција со генералниот секретар на НАТО во Владата.