(Видео) Голманот Фалконе херој на Лече, избори пенал за реми во 100. минута

Фудбалерите на Лече и Болоња одиграа крајно возбудливи 1:1 во натпреварот од 14. коло на Серија А. Ова беше дуел на екипи кои најчесто ремизираат во Серија А од почетокот на сезоната. Лече и Болоња имаат по седум нерешени натпревари.

Натпреварот на стадионот „Виа дел Маре“ траеше 101 минута и во претпоследната минута од судиското надополнување домашните од пенал дојдоа до 1:1.

Претходно, прекршок во шеснаесетникот на гостите изнуди голманот на Лече, Фалконе.

По прегледот на ВАР беше утврдено дека е фаулиран, па домашните добија шанса од белата точка и Пиколи го постави конечниот резултат.

Претходно гостите водеа од 68. минута со голот на Гркот Харалампос Ликојанис.