Јапонски турист скокна од највисокиот банџи-џамп во светот: набргу потоа почина во болница

Јапонски турист загина откако скокна со банџи од височина од околу 232 метри во Кина, објави хонгконгскиот „HK0“.

Овој 56-годишен Јапонец скокнал од кулата Макао во неделата. Откако го завршил скокот, почувствувал недостаток на воздух и повикана е брза помош, јавува „Business Insider“ од кинеските медиуми.

Тој бил пренесен во болница, но подоцна била констатирана смрт.

Не е јасно дали мажот, кој не е именуван, имал здравствени проблеми.

Кулата Макао, висока околу 338 метри, е највисокиот комерцијален објект за скокање со банџи, според Гинисовата книга на рекорди.

Посетителите скокаат од Скајпарк до кулата која се наоѓа на висина од околу 232 метри.
Според безбедносните совети, луѓето со медицински состојби, вклучувајќи висок крвен притисок, астма и дијабетес, треба да го известат персоналот пред да скокаат.

Еј Џеј Хакет Макао Тауер, кој управува со Скајпарк, во соопштението рече дека е тажна поради „медицинската ситуација“ што се случи по скокот на човекот и му изрази најдлабоко сочувство на неговото семејство.

Ова не е изолиран инцидент во последните години.

Во јули 2021 година, една Колумбијка почина откако падна 49 метри додека скокаше со банџи. Во јануари 2018 година, друга жена почина откако скокна со банџи во затворен парк во Колорадо.