(Видео) Мјуриел во 95.минута му пресуди на Милан

Атланта го победи Милан со 3:2, во денешното дерби, одиграно во рамките на 15.коло во Серија А. Дуел на стадионот во Бергамо го реши Луис Мјуриел, со спектакуларен гол во 95.минута.

Аталанта претходно двапати водеше против Милан. Првиот пат, кога Адемола Лукман го искористи додавањето на Копмајнерс во 38. минута и вториот кога повторно Лукман погоди по асистенцијата на Де Кетеларе.

Милан првиот пат изедначи преку Жиру во 45+3. минута, а вториот преку Јовиќ во 80.минута.

Во 92.минута капитенот на Милан, Давиде Калабрија беше исклучен поради вториот жолт картон. Предноста од фудбалер повеќе на теренот Аталанта ја искористи три минути подоцна кога по додавањето од Миранчук, искусниот Колумбиец, Луис Мјуриел со петица ја спроведе топката во голот на Милан.