Платформата за пораки Signal тестира нова функција, која треба повеќе да ја заштити приватноста на корисниците во иднина.


Како што рече технолошкиот експерт Лукаш Олејник, Signal тестира опција која наместо телефонски броеви, ќе го прикажува корисничкото име на корисникот на другите.

„Ова би значело дека луѓето со кои се допишувате не треба да го гледаат вашиот телефонски број“, додаде Олејник.

Signal is testing username feature. This would mean that you would not have to provide your phone number to people you want to contact. You will be able to set your phone number as private and not share it. pic.twitter.com/OUI2S8dEtp

— Lukasz Olejnik, Ph.D, LL.M (@lukOlejnik) November 8, 2023

Како што наведе, ќе можете да го поставите телефонскиот број како „приватен“ и на тој начин да одлучите да не го споделувате со други.

Тој сподели и скриншот од таа функција, каде што пишува дека секое корисничко име има уникатен QR код, како и линк, кој можете да го споделите со вашите пријатели за да започнете да разговарате со нив.