ПРОНАЈДЕНА МАШКА РАКА ИЗГРИЗАНА ОД ЖИВОТНО: Романската полиција откри дека му припаѓа на убиец од 1990-тите

Романската полиција трага по телото на маж чија отсечена рака беше пронајдена во петокот покрај реката Дамбовица во Арѓеш.

Раката била пронајдена на 8 декември околу 11.50 часот во близина на населбата Драгославеле во ненаселено место, соопшти полицијата.

Тоа е надлактицата на десната рака на мажот, на која се видливи траги од каснување од животно“, соопштено е.

Иако на почетокот се мислеше дека човекот е жртва на диви животни, не е исклучено да се работи за убиство. Тоа сценарио сега изгледа поверојатно, бидејќи наводно е откриено дека раката му припаѓа на човек кој бил осуден за убиство и обид за убиство.

Наводно, станува збор за маж (53) од Букурешт, кој во 1996 година бил осуден за убиство, а 19 години подоцна повторно му се суди за обид за убиство.

Според локалните медиуми, нуркачи ја пребаруваат реката по неговите останки.

Каснувањата пронајдени на раката наводно биле предизвикани од куче.

Извори блиски до истрагата велат дека целиот случај се третира како убиство, бидејќи полицијата нашла повеќе докази дека човекот е убиен. Не се знае дали неговото тело било распарчено, ниту пак телото било разнесено од животни.