Државата го одврзува ќесето – обезбедени пари за нови градинки и училишта во Аеродром, Ѓорче Петров, Бутел, Кисела Вода…

Низ комисиската расправа во Собранието за Буџетот за 2024 година, прифатени се неколку амандмани поврзани со обезбедување на средства за изградба на образовни установи и детски градинки. 

Државата, Владата и надлежните министерства обезбедија средства, следната година во соработка со единиците на локалната самоуправа да започне изградба и надградба на капитални објекти во неколку скопски општини.

За општина Кисела Вода во Буџетот за 2024 година обезбедени се 80 милиони денари за изградба на ново основно училиште ,,Климент Охридски” во селото Драчево и 60 милиони денари за реализација на проектот за изградба на нова детска градинка ,,8 Март” во населбата Расадник.

Градинка и училиште ќе се градат и во Аеродром, односо со поддршка од централниот буџет ќе се финансира доградба на основното училиште „Блаже Конески“ во населбата Мичурин и изградба на нова детска градинка „Изворче“ во населбата Стар Аеродром.

И општина Ѓорче Петров добива средства за изградба на нова детска градинка и тоа во населеното место Стопански двор, каде ќе се гради градинка со капацитет од 100 дечиња, додека, додека следната година треба да започне и изградба на детска градинка во населбата Бутел 2 во општина Бутел. 

Недостатокот на места во градинките е децениски горлив проблем за родителите од сите скопски општини.