Суперхерои од Црвен крст ги посетија децата на Клиниката за детски болести

Под мотото „Да подариме насмевка” по шести пат се одржа традиционална активност на волонтери од Црвениот крст на Град Скопје, кои облечени како суперхероите: Спајдермен, Бетмен и други ликови од бајките во придружба на Дедо Мраз ги посетија децата кои се наоѓаат во Клиниката за детски болести во Скопје и им подарија новогодишни пакетрчиња.

Најмладите кои беа затекната на Клиниката за детски болести во Скопје имаа прилика да се дружат и да се фотографираат со маскираните суперхерои, кои до нив дојдоа движејќи се по јаже.