Осимен потпиша нов договор со Наполи

Фудбалскиот клуб Наполи денеска го официјализираше новиот договор со Виктор Осимен.

Осимен потпиша договор до јуни 2026 година, но многу поважно е што во новиот има откупна клаузула која изнесува 130 милиони евра.

Инаку, Осимен доби значително покачување и можност на лето да договори трансфер со нов клуб.

Нигериецот досега за Наполи одигра 118 натпревари, постигна 67 гола и забележа 17 асистенции.

Тој во Неапол пристигна во летото 2020 година од Лил за 75 милиони евра.