САД: Рекорден буџет за војската, но Украина ќе добие 200 пати помалку од она што Бајден го побара од Конгресот

Американскиот претседател Џо Бајден го потпиша Законот за одбранбена политика на САД, кој одобрува рекордни 886 милијарди долари за војската и мерките како што е помошта за Украина.

Законот за овластување за национална одбрана, или NDAA, минатата недела го усвои американскиот Конгрес.

Сенатот во кој доминира Демократската партија го одобри законот со огромно мнозинство од 87 „за“, додека Претставничкиот дом гласаше „за“ со 310 „за“ и 118, пренесува укинформ .

Нацрт-законот вклучува сè, од зголемување на платите за воениот персонал и купување на воени бродови и авиони до политики за поддршка на странски партнери како Тајван.

Нацртот од 3.100 страници бара зголемување на платите за 5,2 отсто за припадниците на војската и приближно три отсто зголемување на буџетот за национална одбрана на 886 милијарди долари.

Нацрт-законот ја продолжува помошта за Украина, Иницијативата за безбедност на Украина, до крајот на 2026 година, одобрувајќи 300 милиони долари за фискалната година која завршува на 30 септември 2024 година.

Сепак, оваа сума е многу помала од 61 милијарда долари што американскиот лидер ги побара од Конгресот за да му помогне на Киев.

Републиканците одбија да одобрат помош за Украина доколку демократите не се согласат значително да ги заострат законите за имиграција.