Знаци на телото кои може да укажуваат на кардиоваскуларни болести

Постојат три знаци на кои треба да обрнете внимание.

Кардиоваскуларните болести се меѓу најчестите причини за смрт во светот, па затоа треба да се внимава на здравјето на срцето.

Доколку не се откријат и лекуваат навреме, кардиоваскуларните заболувања можат да бидат фатални, па затоа е исклучително важно навреме да се забележат првите предупредувачки знаци.

Докторот Дастин Портела предупреди на некои важни знаци кои можат да се забележат на телото.

„Дерматолозите се обучени да бараат знаци на внатрешни болести кои се појавуваат во вашата кожа или нокти, па еве неколку кои би можеле да го сигнализираат ризикот од срцеви заболувања“, рече докторот.

Според него, ова се трите знаци на кои треба да обрнете внимание:

Отекување на нозете

Отекувањето на нозете е првото нешто на кое треба да се обрне внимание, особено билатералниот едем кој се јавува на двете страни од телото. Отекувањето на нозете може да биде знак за срцева слабост.

Ова се случува кога долните комори на срцето престануваат ефикасно да пумпаат крв. оток се јавува на нозете, првенствено зглобовите и стапалата.

Свиткани нокти

Свитканите нокти може да бидат знак за срцева болест, срцева инфекција или болест на белите дробови. Нокт кој се наведнува надолу, додека врвот на прстот отекува. Исто така, свитканите нокти се меки на допир.

Знакот на Френк

Дијагонална бразда во ушната ресичка позната како знак на Френк е показател за срцеви заболувања. Истражувањата покажаа поврзаност помеѓу знакот Френк и зголемен ризик од исхемична срцева болест и срцев удар.