Како влијае празничната музика на менталното здравје? Еве што мислат експертите

Некои експерти го делат мислењето дека празничните мелодии може да имаат негативно влијание врз менталното здравје.

Божиќните и новогодишните празници се пред нас, а во овој период имаме можност да ги слушаме истите песни одново и одново. Сепак, дали слушањето на истите песни во овој период од годината може лошо да влијае на психата? Некои експерти имаат потврден одговор на ова прашање. Имено, тие веруваат дека повторувањето на истите мелодии може да има негативно влијание врз расположението и продуктивноста.

Изложеноста на повторливите мелодии на класичните празнични песни може да предизвика нерасположеност или дистимија. Причината за тоа лежи во фактот што мозокот со текот на времето станува презаситен, што може да предизвика негативна реакција.

Линда Блер, клинички психолог, верува дека празничните мелодии можат да станат ментално напорни. Затоа, таа смета дека музиката на јавни места, како што се трговските центри, треба соодветно да се менува.