Израелската Армија најави проширување на операциите во Хан Јунис, јужна Газа

 – Израелската Армија денес најави проширување на воените операции во Хан Јунис, во јужниот дел на Појасот Газа.

Преку соопштение, израелската Армија објави: „Израелската Армија ги проширува своите активности во подрачјето на Хан Јунис“.

„Силите започнаа напад синоќа (четврток) за уништување на непријателската инфраструктура во градот Хан Јунис“, се додава во соопштението.

Во него се споменува „користење на воени авиони, дронови и тенкови во нападите на палестинските милитанти“.

И армиското радио објави за „проширување на армиските маневри во Хан Јунис, каде што дејствуваат 7 бригади по вклучувањето на падобранската бригада“.

Пред неколку дена, израелските авиони фрлија летоци во Хан Јунис, повикувајќи ги жителите на „Блок 112“, во непосредна близина на медицинскиот комплекс „Насер“, втората по големина болница во Појасот Газа, и „Блок 64“ во населбата Кизан Абу Рашун веднаш да се евакуираат.

Во летоците пишува дека „областа се смета за опасна борбена зона. За ваша безбедност, мора веднаш да се евакуирате и да се упатите кон населбите Шабура, Зохор и Тал ал-Султан во градот Рафа (на југ)“.