(Видео) Челси водеше 0:3 па едвај спаси „жива глава“ на Кенилворт роуд

Фудбалерите на Челзи го совладаа Лутон со 3:2 како гостин во натпреварот од 20. коло на Премиер лигата. „Сините“ имаа водство 0:3, на крајот, благодарение на голманот Петровиќ едвај ја сочуваа победата.

Двоен стрелец за тимот на Покетино беше Кол Палмер, тој беше и асистент на голот на Мадуеке, но и покрај водството од 3:0, Челзи едвај успеа да победи.

Неверојатно е какви шанси пропуштаа фудбалерите на Лутон.

Еден гол (при 0:3) им беше поништен поради мал офсајд на играчот кој му асистираше на стрелецот Адебајо. Потоа Адебајо ја погоди гредата, а потоа Рос Баркли, постигна гол за Лутон.

Следеше нов уште посилен напад на Лутон и поразителна игра на гостите кои се повлекоа пред својот гол. По уште една одлична акција Адебајо намали на 2:3.

Рамката од голот на Челси се трешесе по ударот на Морисон, кога Петровиќ со помош на гредата спречи гол. Таа интервенција, ќе испадне, беше клучна за победата на Челси на „Кенилворт Роуд“.

Натпреварот беше продолжен за шест минути, Лутон цело време напаѓаше, а гостите буквално до последните секунди жестоко се бранеа.