Дали Северна Кореја испрати муниција во Русија!? Пјонгјанг ги откри деталите

Министерството за надворешни работи на Северна Кореја денеска ги демантираше тврдењата дека и доставила муниција на Русија.

Јапонскиот весник „Токио Шимбун“ објави дека минатиот месец Северна Кореја испорачала муниција, вклучително и артилериски гранати во Русија, преку железница и дека се очекува таквите пратки да продолжат.

Пјонгјанг ги нарече тие тврдења неосновани и апсурдни, пренесува Ројтерс.

Белата куќа во четвртокот објави дека Северна Кореја и доставила ракети на руската приватна компанија Вагнер за да ги помогне нејзините активности во Украина.

Пјонгјанг рече дека такво нешто не се случило и дека Вашингтон предизвикува крвопролевање и уништување во Украина со снабдување на Киев со смртоносно оружје.