УШТЕ ЕДНА МИСТЕРИОЗНА СМРТ: Пронајден мртов првиот човек на руските подморници

Рускиот бизнисмен Александар Бузаков, кој беше шеф на познатото бродоградилиште „Адмиралит“, е пронајден мртов.

Многумина се сомневаат дека ова е уште една мистериозна смрт на руски функционери и истакнати личности, бидејќи сè уште не се разјаснети околностите под кои тој починал.

Веста за неговата смрт ја потврдија и од компанијата со која тој раководеше.

Бузаков 11 години беше првиот човек на бродоградилиштето што произведува подморници.

Под негово водство биле изградени и подморници способни да лансираат ракети со поголем калибар, а според руската војска тие биле користени во војната во Украина.

Бузаков имаше 66 години.