Свештеник во Италија одлучи да ја напушти службата поради љубов

Италијанскиот свештеник дон Антонио Романо објави дека ќе ја напушти службата од љубов кон една жена откако 23 години водел грижа за верниците во близината на Свелино, јужно од Неапол.

„По долгогодишно пријателство, спознав дека ја сакам жената со кој споделувам чувства, тежнеења, вредности, вера, принципи и идеали“, наведе дон Антонио Романо, парох на Киусано Сан Доменико, пренесе Анса.

Тој истакна дека не може да продолжи да се бори против својата природа, но дека секогаш ќе ѝ биде на услуга на својата заедница, пренесува Танјуг.