Адел за прв пат по шест години настапува во Европа, концерт во Минхен во август

Британската пејачка Адел најави дека ќе одржи концерт во Минхен во рамките на нејзината летна турнеја, што ќе биде нејзина прва турнеја и прв настап во Европа од 2016 година.

„Не сум настапувала во Европа од 2016 година. Не можам да замислам поубав начин да го поминам летото и да ја завршам оваа убава фаза од мојот живот и кариера отколку со настапи кои се поблиску до дома“, напиша пејачката по потекло од Лондон, на нејзиниот Инстаграм профил.

Таа претходно тврдеше дека турнеите не и одговараат, но како што пишува „Мирор“ се предомислила, па најавила дека по последниот настап во Лас Вегас, кој е закажан за 15 јуни годинава, ќе настапи на четири настапи на Open Air сцената, на саемот во Минхен во текот на две недели од 2 до 10 август. Билетите ќе бидат достапни за претпродажба од 7 февруари, додека генералната продажба ќе започне два дена подоцна.

Во пресрет на крајот на светската турнеја што ја започна во Лондон во 2016 година, за време на која настапи низ Европа и Америка, како и Австралија и Нов Зеланд, британската пејачка им објави на своите обожаватели дека најверојатно нема да оди на турнеја на светот повторно.