ПОЧИНА УШТЕ ЕДЕН ПОЛИТИЧКИ ЗАТВОРЕНИК: Ихар Ледник почина на 63-годишна возраст, одлежувајќи тригодишна затворска казна за навреда на ЛУКАШЕНКО

Социјалдемократската партија на Белорусија во вторникот соопшти дека нејзиниот член Ихар Ледник починал на 63-годишна возраст во поправна колонија каде издржувал тригодишна затворска казна под обвинение за навреда на авторитарниот владетел на земјата, Александар Лукашенко.

Причината за смртта се уште не е позната.

Здравствената состојба значително му се влошила во затворот, каде што бил опериран на стомакот, велат неговите колеги.

Групата за човекови права „Вјасна“ соопшти дека Ледник е петтиот политички затвореник што починал во белоруски затвор за помалку од две години.